Buong akala ko ay businessman lang siya. Nabuhay ako sa akalang iyon at walang ibang alam kundi itong restaurant lang na minamanage niya. Kaya nang malamang nakapag-law school na siya at isa na siyang ganap na abogado, ang kaninang kuryosidad ko ay mas lalo pang lumala. Paano nangyari iyon?
“Kaklase ko siya noon, kaya lang, napilitan akong huminto dahil sa financial problem. Kaya ngayong may raket na ako sa tutoring, kahit papano’y nakakausad naman,” kwento niya. Matiim kong pinakinggan ang bawat detalye dahil naroon ang interes ko na malaman pa ang lahat ng iyon.
“So tama ba? Naka graduate na siya at nakapasa ng bar exam?”
He nodded.
“Kung ganoon, bakit dito siya sa resto niya? I mean, ganap na siyang abogado ‘di ba?”
“Well, kanya-kanya naman ng desisyon iyon kung ipag
