Elaine
“Ayos ka lang ba, baks?” tanong ni Elena nang idilat ko ang mga mata ko. Bakas ang pag-aalala sa kainyang mukha kaya binigyan ko siya ng isang pekeng ngiti.
“Oo. Medyo nainitan lang siguro ako sa suot kong gown,” sabi ko.
May halong katotohanan naman ang isinagot ko dahil medyo mainit nga sa katawan ang suot ko na gown dahil kanina pa lang sa simbahan ay pinagpapawisan na ang kilikili ko.
“Jusmiyo, baks! Kinabahan naman ako sa ’yo. Kapag may nangyaring masama, ako ang matetegi sa asawa mo.” Inalalayan ako ni Elena patayo. “Ano ba ’yang nasa likuran mo? Bakit tinatago mo?” dugtong na tanong niya. Napalunok ako sa kaba.
Kukuhanin niya na sana ang regalo nang bigla akong makaisip ng dahilan.
“R-Regalo ni Sandra para sa honeymoon namin ni Louis,” sagot ko na ikinatigil niya. Sumi
