Hindi makatulog si Gianna habang nakahiga sa kama nilang mag-asawa. Malapit nang mag-alas dose ng hatinggabi at hindi pa rin nakakauwi si William. Kahit galit siya sa asawa niya, hindi pa rin niya mapigilang mag-alala rito. Mahal niya ito sa kabila ng nangyari. Kinakailangan lang yata niya ng oras upang mapatawad ang asawa niya. Ngunit hindi pa rin maalis sa isip niya ang kaalamang may nangyari sa asawa at sa dati niyang matalik na kaibigang si Diana.
Naiinis siya sapagkat pilit na pumapasok sa isip niya ang eksenang magkadikit ang mga katawan nina William at Diana. At kung paano gumalaw ang mga ito. Mas lalong humahantong sa pagsikip muli ng kanyang dibdib ang eksenang naging mainit ang sandali ng pagtatalik ng dalawa, ang pag-ungol sa sarap at sa mga aring nagkadikit. Sobrang sakit. At
