Gemini's POV
Pagkatapos kong masaksihan ang pagkikita ng kambal at ng kanilang ama, tahimik akong umalis sa mansion.
Hindi dahil sa selos… kundi dahil guilt na muling bumabalot sa aking dibdib.
Dalawang taon ko silang itinago kay Cassian. Dalawang taon ko siyang pinagkaitan ng karapatang makilala ang mga anak namin.
At habang pinagmamasdan ko kanina kung paanong niya niyakap ang kambal, ramdam kong nasasaktan siya dahil sa mga panahong wala siya sa tabi ng mga ito.
Nagpaalam ako kay Mommy, sinabi kong pupunta muna ako sa Zodiac Tower.
Hinabilin ko muna sa kanila ang kambal — gusto kong hayaan muna silang mag-bonding.
Kailangan kong mapag-isa, huminga, at pag-isipan kung paano haharapin si Cassian sa tamang paraan.
Pagkarating ko sa Zodiac Tower, dumiretso ako sa aking penthouse. Ta
