PINAGBIGYAN ni Daisy si Leera na mag-usap sila. Gusto raw siya nitong makausap tungkol sa importanteng bagay kaya bumalik. Sa umpisa pa lang, hindi na maganda ang kutob ni Daisy. Una, bakit siya nito kakausapin habang wala si Edgar? Ikalawa, malinaw ang intensiyon nito sa lalaki kaya sigurado siyang ang mga sasabihin nito ay para itaboy siya.
Hinayaan niyang tumuloy ang babae. Nagpasya siyang bigyan ito ng oras. Wala namang problema kung usap lang. Huwag lang siyang sasaktan o magkakasubukan sila. Hindi niya uurungan pati ang guwardiya nitong cute na aso. Sa palagay niya ay wala naman sa intensiyon ni Leera ang manakit. Kalmado ito, may gusto lang daw ikuwento sa kanya na nasisiguro nitong hindi pa niya alam. Ayon pa sa babae, sa mga lumipas na araw ay sinadya talaga nitong la
