Paano ko pupulutin at muling bubuuin ang buhay ko kung nagkapira-piraso na ito? Sinubukan kong magpakatatag ngunit sadyang mahirap. Tuwing sumisikat ang araw, nando'n ang pangamba ko na baka hindi ko na makayanan. Lagi kasing nakapagkit ang memorya nina Sean at Olga kahit saan ko pa ibaling ang aking paningin. Mas lalong tumitindi ang depresyon ko sa pagsapit ng gabi, paglapat na paglapat ng likod ko sa kama ay naglalaro na kaagad sa isipan ko ang mapanudyong imahe nila na mainit na magkaulayaw.
Kasalanan ko ba na umasa akong wala nang ibang babae sa buhay ni Sean? Nang gabing may nangyari sa amin, may karapatan na akong hingin ang katapatan niya at may obligasyon siyang ibigay iyon. Mag-asawa kami! Kaso ang masklap, hindi gano'n ang tingin niya sa aming relasyon.
Mula nang bumalik ako
