“ANO’NG PLANO MO after graduation? A two months from now you’ll finally graduate.”
Natuon sa ‘kin ang atensyon ni Gwen habang kumakain ng ice cream. Halos matawa ako nang makitang nagsmudge pa ang lipstick niya ng kaunti.
Inayos ko ang pagkain sa vanilla ice cream na hawak-hawak ko bago sumagot. “S’yempre, magtatrabaho, Gwen.”
Magsasalita na sana si Gwen nang tawagin ni Dustin ang atensyon niya. “Harap ka muna sa ‘kin, hon.” Agad namang humarap si Gwen dito at napangiti nang dahan-dahang pahiran ni Dustin ang lipstick na nagsmudge sa baba ni Gwen.
“Nagsisimula na naman sila,” mahinang sabi ni Eustace sa tabi ko.
Natawa ako nang makitang mag-iwas ng paningin si Eustace. Nakasandal siya sa upuan at nakapahinga ang isang braso s
