Nagpasalamat at nagpaalam na ako sa kanilang lahat dahil kailangan ko nang umuwi.
Umuwi na rin sina Elle at Lira.
Naglalakad kami ngayon ni Ethan pauwing bahay. Nagpresinta siyang ihatid ako dahil siya na raw ang magdadala ng regalo.
Hindi na sana ako magpapahatid sa kaniya kaso mapilit siya at sabi niya ay mapanganib na raw kahit na alam niyang kaya kong ipagtanggol ang sarili ko.
"Salamat nga ulit Ethan ah, super nag-enjoy ako," sabi ko.
"Wala iyon, masaya ako na masaya ka," sabi niya at humarap sa akin at ngumiti.
Nandito na kasi kami sa eskinita pauwi sa amin.
"Ihahatid na kita sa inyo, hanggang ngayon hindi ko pa rin alam ang bahay niyo," sabi niya.
"Nako huwag na kaya ko naman." Kinuha ko ang malaking bag na may lamang mga regalo sa akin ngunit hinigpitan niya ang hawak niya
