Naramdaman kong papalapit si Miss Gina sa room kaya nag-ipon ako ng enerhiya at nilagay ito sa kamay ko. Tinapat ko ang kamay ko sa babaeng kaluluwa at pinakawalan ang enerhiyang inipon ko dahilan para tumalsik ito.
Nag-iwan siya ng itim na bakas sa pader nitong room. Kaagad kong tinanggal ang barrier na nakapaligid sa amin at kinalma ang sarili.
Sakto naman ang pagsilip ni Miss Gina sa room. Tinulungan naming tatlo si Cedric na tumayo at lumabas.
"Anong nangyari?" tanong ni Miss Gina.
"May kaluluwa po na nanggagambala kay Cedric," wika ko. Kailangan naming magpanggap na hindi pa namin alam na isa siyang sinaunang mangkukulam nang sa gayon ay hindi siya maging isang malaking banta sa amin.
"Gano'n ba, pumunta muna kayong bleachers. Ipapakuha ko na lang muna sa Guard ang mga bag niyo
