Pumunta kami sa kabilang bahay kung nasaan ang Inang ni Ethan. Pagkapasok namin sa bahay ay sinalubong kami ng mga kamag-anak niya at masaya sila nang malaman na gising na ako.
Nagdedekorasyon na rin sila sa bahay para sa Noche Buena mamayang gabi dahil bukas ay pasko na.
Nang may mapadaan sa harap namin na tita ni Ethan na may dalang mga upuan ay kaagad kong kinuha ang iba ngunit kaagad akong pinigilan ng tita ni Ethan pati na rin ni Ethan.
"May sakit ka pa iha," wika ng tita ni Ethan.
"Ako na ang bahala rito." Binuhat ni Ethan ang ilang upuan na buhat ng tita niya at inilapag ang mga ito sa tapat ng lamesa. Pagkatapos ay lumapit siya sa akin.
"Tara," wika ni Ethan at hinawakan ang kamay ko. Umakyat kami upang puntahan ang Inang niya.
Pumunta kami sa may pinakamalaking pinto rito s
