Chapter 34:Never Be The Same
"Ano ba, Shayle!? Hindi nga kasi ako buntis! Jusko naman! Stop over-reacting!"
Patuloy ako pagpupumiglas para lang tumigil sila sa paghila sa akin papasok sa OB-Gyne. Malakas ang loob nila dahil akala nila ay buntis ako dahil sa nakita nilang pagsusuka ko kanina.
Matapos nila akong makitang nagsuka ay agaran nilang sinabi kina Mama kaya nag-panic ang lahat. Hindi ko naman sila mapigilan dahil nagsanib silang lahat para lang pagtulungan ako. Halos kargahin na nga ako nina Papa at Tito para lang ipasok sa kotse dahil nga nagpupumiglas ako dahil dadalhin nila ako sa ospital.
Nagwagi sila kaya heto sila ngayon, hila-hila ako patungo sa OB-Gyne dito sa ospital na pinagdalhan nila sa akin. May kilala si Mama dito sa OB-Gyne kaya hindi na siya dumaan sa emergency.
