ISANG taon na ang nakalipas matapos ang magulong taon na ‘yon.
“Jackie, I swear, kapag hindi pa kayo nagpunta ni Debbie dito ngayon sa hotel, magsolian na tayo ng kandila! Nandito na si Dara nagtatatalak na rin ang tagal-tagal nyo!” Kausap niya sa cellphone ang kaibigan na nagtatatalak rin.
“Fiona, wala ka pang anak para anakin ko sa binyag, anong kandila ang sinasabi mo?” Natatawa niyang sagot. Sinenyasan niya si Debbie na lumapit at dalhin ang clutch bag niyang puti na nakapatong sa may lamesa. Nasa silid sila ni Jackie at naka-ready na para sa masquerade ball. Naka-gown silang dalawa na theme ng party.
“Ay, oo nga. Maganda lang pakinggan parang pang-drama. Tara na kasi! Nasa front door na ang kotse na ipinadala ko! Bilisan mo na!” hinabaan pa ng kausap ang huling kataga. M
