KAPAG masaya at makulit ang kasama, nakakawala ng problema. Napatunayan na naman ito ni Jackie habang kasama niya si Zeke. Isang linggo rin silang namasyal sa Athens pagkatapos nilang manawa sa mga beaches sa Mykonos. Pagbalik nila sa Santorini ay mas madalas pa silang nakatambay lang sa Balcony ng Inn na tinutuluyan nila kaysa lumabas. Maganda rin naman ang tanawin na kita mula sa upuan nila. Mga puting bahay na iba’t-iba ang taas at laki na kapag tiningnan ng pangkalahatan ay mapapangiti ka na lang sa ganda. Isama pa ang iba’t-ibang shade ng asul na ulap at sinag ng kalangitan.
Bagaman pumayag si Jackie na mahalin siya ni Zeke, hindi naman na muling nanamantala ng halik ang binata. True to his words, binagyo nga siya ng atensiyon at pinabaha ng pagmamahal. Dahil sa nakakaha
