"Ay, baliw ka, Clara! Hindi ka marunong gumamit niyan?"
Bumunghalit ng tawa sina Lauren at Clowy. Ngumuso ako at nahihiyang kinamot ang ulo ko.
Ipinakita ko kasi sa kanila iyong bago kong cellphone na ibinili ni Sebastian sa akin kahapon. Dahil nga hindi naman ako marunong gumamit nito ay hindi ko na lang rin inilabas sa bag ko kahapon pagka-uwi ko. Isa pa, baka magtaka sina Nanay kapag nakita 'yong bago kong cellphone. Baka magalit pa sila kapag nalaman nilang sa isang lalaki galing iyon. Baka kung ano pang isipin nilang masama tungkol sa akin, ayaw ko naman n'on.
Ngayong lunch time ay ipinakita ko naman kina Lauren itong bago kong cellphone dahil alam kong marunong sila at sila ang sanay rito dahil ganito rin ang cellphone nila, touchscreen din. Hindi katulad n'ong sa akin na may keyp
