Umuwi na ako ng bahay na dala ang bulaklak na bigay ni Wilson, dumeretso ako sa kusina para kumuha ng plorera naabutan ko roon si manang at si Caleb na nagluluto ng hapunan.
"Nariyan ka na pala Rocky, wow! Kanino galing iyan?" Tanong ni manang, hindi ko alam kung sasagutin ko ba ang tanong nito o kunwari na lamang ay hindi ko ito narinig.
"Kay Wilson panigurado galing iyan manang." Sabat naman ni Caleb sabay kindat sa akin. Ngumiti naman ako saka kumuha ng plorera sa may kabinet.
Inayos ko ang mga bulaklak roon at dinala sa sala para duon idisplay.
Umakyat na ako sa kuwarto ko upang makapagpalit na ng aking damit at tulungan sila sa paghahanda ng hapunan.
Ngunit nang makababa na ako ay handa na ang hapunan sa lamesa at naroon na rin sina mom, dad at kuya Ronald na hindi pa bihis. Gan
