BUMALIKWAS ng bangon si Oscar. Pero biglang kumirot ang ulo niya. Sandaling hinilot ang ulo habang nakayuko. Napansin niyang iba ang suot niyang pang-itaas. Naka-tshirt siya na pantulog. Agad niyang inilinga ang mata sa paligid.
Natuon ang tingin niya sa lamesita sa tabi ng bed niya. May paracetamol na gamot at isang basong tubig doon. May note pang nakalagay.
"Don't forget to eat me," basa niya doon.
Kinuha niya ang gamot saka ininom. Pagkalapag ng baso ay napatigil siya nang mahagip ng mata niya si Divina. Ang himbing ng tulog nitong nakatalungko sa kama niya.
Naihilig niya ang ulo saka itinaas ang kamay para sana haplusin ang buhok ng dalaga.
Naiwan sa ere ang kamay niya ng kumislot si Divina. Mabilis niyang binawi ang kamay at inilagay sa likuran. Saka napatikhim para maalis ang
