"OSCAR, paano mong nagawang patulan ang kapatid ko? Hindi ba parang ang bata pa niya para sa'yo?" madidiing mga tanong ni Diane.
"Ate kasi---" sabat ni Divina pero pinigilan siyang tapusin ng nakakatandang kapatid ang sasabihin.
"Hindi ikaw ang kausap ko, Divina! Huwag kang sumasasabad. Pareho kayong may kasalanan dito. Hindi kayo nagsasabi sa akin. Ang akala ko nag-aaral ka sa America. Iyon pala ay may iba ka na palang ginagawa na hindi mo ipinapaalam sa amin ng kapatid mo."
"Diane, huminahon ka nga. Andiyan na iyan. Hayaan na natin si bunso sa gusto niya. Saka kita ko naman na nagmamahalan silang dalawa ni Dr. Oscar," saway ni Devyn sa kakambal.
"Kahit na Devyn. Sana ipinaalam man lang nila ang estado ng relasyon nilang dalawa. Hindi porke't nagmamahalan sila. E, tama na ang ginagawa
