Mabilis kaming nagtungo ni Gunner sa crime scene at kagaya ng inaasahan namin, puno na ng mga tao at mga reporter ang lugar. Hirap na hirap na ang mga pulis at tanod na kontrolin ang mga tao. Lahat sila ay gustong makita ang bangkay na para bang isa itong palabas sa perya. Maging ang forensic team ay hirap din sa pagpasok dahil hinaharang na sila ng mga reporters sa b****a pa lang. Pinagmasdan ko muna ang sitwasyon. Galit ang ilang mga taong naroon sa mga pulis at halata ang takot sa kanilang mga mata. Dinig din ang hinaing at paninisi ng iba sa mga pulis. Na hindi namin maiaalis sa kanila. Isang bagay na hindi na nagbago dito sa Arkhenham. Pero sa bagay, sino ba ang naman ang sisisihin nila? Isa pa. kahit naman sino, mangangamba at matatakot kung sunod-sunod na biktima ng pagpatay ang ma
