Noong gabi ring iyon ay agad naming ipinagbigay alam kay Captain Cruz ang aming natuklasan. Hindi siya makapaniwala sa naging resulta at hindi nakapagsalita. Pero agad naman siyang bumuo ng grupo para lusubin ang lugar bukas ng gabi. Halata pa rin sa mga mata niya ang kawalang tiwala. Malamang na naghihinala siya sa akin. Marahil ay iniisip pa rin niya na pino-protektahan ko ang asawa ko o baka kasabwat ako nito. Oo, masasabing pinoprotektahan ko si Grace. Dahil kahit may galit at pagkadismaya akong nararamdaman para sa kanya ay hindi ko naman mapapayagang mapatay siya. Huhulihin ko siya ng buhay at itatanong ko sa kanya ang katotohanan. Isa pa, nararapat lang na maipagamot ko ang sakit niya. Hindi totoong masama si Grace. May kutob akong may nangyayaring hindi ko alam. Dahil kung totoong
