Matapos ang oras ng dalaw kay Hanselie ay naghiwa-hiwalay na kami. Nangako ako kay Captain Ross na magpapatuloy pa rin ako sa pag-iimbestiga. Hindi naman siya tumutol. Pinag-ingat lang niya ako lalo na ngayong nag-uumpisa ng maging lantad si Antonhy Gregorio. Binilinan din niya ako na bigyan ng proteksyon si Grace at pamilya ko.
Bumili ako ng paboritong pagkain ni Mateo. Fried Chicken. Mabuti na lang at may naabutan pa akong bukas na fastfood. Pinaiiral pa rin kasi ang curfew at dahil doon ay napipilitang magsara ng maaga ang mga tindahan at kainan. Gusto ko pa nga sanang bumili ng laruan para sa anak ko. Ang kaso, wala na akong mabilhan. Kung lalabas naman ako ng Arkhenham, baka gabihin ako at hindi ko na siya maabutang gising.
Maraming bumalik sa ala-ala ko habang papalapit ako sa ba
