"PAKIUSAP Gavin, huwag mo sanang sasabihin kay Akihiro at maging kay Mr. at Mrs. Tetsuya ang kalagayan ko," nakikiusap na turan ni Kiah sa lalaki.
"But why, Kiah? Bakit ayaw mong ipaalam kay Kuya Akihiro?" kunot-noong tanong ni Gavin. "May karapatan si Kuya dahil anak niya ang dinadala mo," dagdag pa ng binata na bakas ang matinding pagtutol sa tinig.
Napayuko si Kiah dahil sa sinabing iyon ng lalaki. Ni hindi niya magawang tingnan si Gavin sa mga mata nito dahil natatakot siyang bigla siyang bumuhos ng iyak. Nanatili na lamang siyang nakayuko at nakatingin sa magsalikop at nanginginig na mga kamay.
"Kung ayaw mong ipaalam kay Kuya, fine. Naiintindihan ko, Kiah," ani Gavin mayamaya. Sa puntong iyon ay hindi na mapigilang lumuha ni Kiah subalit nanatili pa rin siyang nakayuko. Ayaw niyan
