KABANATA 40
Tumakbo kami palapit sa kinaroroonan ng mga lalaki. Magkahalong sigawan at tunog ng bukas na chainsaw ang naririnig namin. Malapit na kami sa mga kalalakihan nan bigla na lang may lumipad na troso sa ibabaw namin. Muntik pang tamaan si Tata dahil siya ang pinakamatangkad sa amin. Mabuti na lang at lumagpas lang ito sa ibabaw ng kanyang ulo.
“Magpakita kang halimaw ka!” sigaw ng isang lalaki na winawasiwas ang hawak na chainsaw habang ang ibang kasamahan niya’y nagkumpulan sa isang sulok at ang iba ay tumatakbo na palayo.
Nagkalat ang mga troso sa paligid na halatang sadyang ginulo. Pare-pareho kaming napatingin sa kanan at nakita ko ang pag-angat ng isang troso na para bang may bumubuhat at bigla na lamang itong lumipad na para bang may nagbato. Sigawan kaming lahat na naroo
