ILANG sandali matapos makipaglaro nila Adam sa mga anak ng mga kaibigan ay biglang naging seryoso naman ang usapan ng anim na kalalakihan.
“I heard you’re starting to work at your father’s company,” pagbubukas ni Jaden ng topic na ang tinutukoy ay si Adam.
Tumango naman si Adam bilang sagot. Habang ang mga kaibigan ay nagkatinginan naman.
“May kinalaman ba dito ang nabalitaan namin?” makahulugan at may pag-aalala sa tono ng boses na tanong ni Bryan.
Dinala muna ni Adam ang bote ng beer sa bibig at uminom bago sumagot. “Well, It’s one of the many reasons… I’m a married man now. Hindi na pwede ang lifestyle ko noon. Hindi nalang sarili ko ang dapat isipin ko ngayon. Sooner or later ay pwedeng madagdagan at lumaki na ang pamilya namin ni Kristel. Syempre, ayaw ko naman na patuloy pa
