"Alex?" nag-aalalang tawag ni Xia sa kanyang asawa habang nababalisa ito. Mula kasi sa kanyang kwarto ay naririnig niya ang pag-ungol nito at ang minsang pagtawag nito sa kanyang pangalan kaya walang pagdadalawang-isip na pumasok siya sa kwarto nito upang alamin kung bakit siya nito tinatawag at ang pagiging balisa na lamang nito ang kanyang nadatnan. Hindi ito mapalagay at kung saan-saan na nito ibinabaling ang ulo.
Lalo lamang siyang nag-aalala nang makapa niya ang noo nito na sobrang init.
"Alex?" muli niyang pukaw dito pero nanatili lamang itong nakapikit ang mga mata habang patuloy pa rin ang pagiging balisa.
Mabilis na kumuha siya ng batya na may lamang tubig saka bimpo. Pinunasan niya ang noo nito pati na ang braso nito para naman kahit papaano ay bumaba ang init ng katawan nito
