“Friends kayo?” aniya kay Dominic nang makalayo ang mag-asawa.
“Parang ganoon na nga. Hindi naman kami magkaaway. Naging client sila ni G. You know G Montero? Iyong isa pang anak ni Senator. Wedding planner siya.”
“Si Senator lang ang kilala ko.”
“Si Allie yung legitimate, si G, alam mo na. Open-secret naman na iyan. Dati pa inilantad na iyan ni Sen para hindi na maibato sa kanya ng mga kalaban niya na may anak siya sa labas.”
“Ang bilis niyang maging senador, ano? From being a mayor in our sleepy town, senador na siya ngayon.”
Napatikhim si Dominic. “Hindi naman ganoon ka-short cut. Dumaan din naman siya bilang congressman. Isang term doon tapos iyan na nga, nasa senado na siya.”
“All the while, ikaw ang nasa tabi niya,” kaswal na sabi niya.
“Ako ang pumalit kay Itay.”
“Kumusta na
