HINDI alam ni Kitkat kung tamang nakamukmok lang siya doon sa condo niya. Wala pa siyang balak na magtrabaho uli. Parang nahihiya siya sa mga biglaang desisyon niya at kasali na doon ang pagre-resign niya. Maganda naman ang record niya sa kumpanya bilang marketing supervisor. Kung gugustuhin niya, puwede din siyang bumalik. Pero nauunahan siya ng hiya. Ang babaw lang nang idinahilan niya noong magsabi siyang magre-resign siya.
Siguro ay bibigyan pa niya ng dalawnag linggo angs arili niya at magiging okay na rin siya. Alam naman niya, mas lamang sa pagmumukmok niya ang tungkol kay Dominic.
Ni hindi niya ako hinanap, bitter na sabi niya sa sarili. Ang tanga niya para umasa na hahanapin din siya nito. Ngayon niya naisip na baka nga natuwa pa ito nang tumakas siya noon. Baka nagpapasalamat p
