CHAPTER 26: Ang Atervhi Ng Hangin
PAGKAWALA NG LIWANAG, nasilayan ang totoong anyo ni Bangis bilang isang atervhi, na isang makapangyarihang nilalang ng Anorwa. May tangkad siyang sampung talampakan at kapansin-pansin ang matipuno niyang katawan dahil sa manipis niyang kulay abong kasuotan na sumasayaw sa hangin. Kulay puti ang balat ni Bangis na may maliliit na butil na kumikislap-kislap at may pakpak siyang malapad na kahalintulad ng kanyang mga pakpak kapag siya'y nag-aanyong arikon. Nakatali ang kulay brown at mahaba niyang buhok kaya naman mas mapapansin ang gwapo niyang mukha.
"Buong akala ko ay hindi ko na muling masisilayan ang anyo mong iyan aking Tagsangoy," nasisiyahang pahayag ni Sarogway.
"Pinahintulutan ko ang iyong nais, Sarogway. Ngayon, sabihin mo sa akin kung ano ang
