CHAPTER 35: Ang Mga Atervhi At Ang Luha Ng Tagapagligtas
~ BULKANG KISOG ~
PAGKALAPAG NINA BANGIS sa paanan ng bulkang Kisog, nagkatinginan silang tatlo nina Sarogway at Togo. "Hindi ko na maramdaman ang presensiya ng isang atervhi," sambit ni Bangis.
"Tama ka. Wala rin akong maramdaman na pagyanig sa ilalim ng lupa. Maaring napigilan na ni Karayo ang alburuto ng bulkang ito," ani ni Togo.
"Puntahan natin ang bunganga ng bulkan, baka sakaling nandoon lamang siya at namamahinga," suggest ni Sarogway.
Nilipad nilang tatlo ang patungo sa bunganga ng bulkang Kisog. Lumapag sila mismo sa mainit na bunganga ng bulkan. Tumambad sa kanila ang makapal na usok at amoy na masakit sa ilong. May lawang nag-uusok na kalmado lamang. "Wala ka bang maramdamang paggalaw sa lawa, Sarogway
