CHAPTER 73: Huling Araw
PAGMULAT KO, MADILIM pa sa labas. Tulog pa si Chelsa at napakahimbing ng tulog niya. Humihilik pa ang diwata ko. Napakasarap niyang pagmasdan kahit pa nakanganga siya nang bahagya at may nanuyong laway pa sa gilid ng labi niya. Napangiti ako, kung titingnan siya akala mo ‘di nagkakaroon ng mga sungay. “I love you,” mahinang sambit ko at hinagkan ko siya sa noo bago ako tumayo sa kama.
May nakahandang tubig sa maliit na mesa dito sa aming kuwarto, uminom muna ako. Malamig ang tubig kahit hindi galing sa ref. Nakadalawang baso ako. Para na rin mapawi ang kunting tama pa ng alak. Naparami ang inom namin kagabi sa party. Naging maayos at masaya ang lahat. Hindi pinag-usapan ang digmaan dahil matagal na iyong napagplanuhan. Nabigyan kami ng pagkakataon ni Pinunong Ka
