(CEJE’S POV)
Kinabukasan, nagising ako na wala na sa aking tabi si Kent, hindi ko nga namalayan na umuwi ito kagabi. Dali-dali ko namang kinuha ang aking cellphone. Nakita kong maraming minsahe sa akin si Itay. Pinauuwi na ako dahil gusto akong makausap nito. Marahas tuloy akong napahinga ng malalim.
Kailangan ko ring makausap ng masinsinan ang aking
ama. Hindi ko kasi nagustuhan ang ginawa nito, ano’ng tingin nito sa akin bata na basta na lang nitong mamamduhin. At ito pa talaga ang pumili ng magiging kasintahan ko. Maling-mali ang ginawa nito.
Agad akong bumangon sa kama. Napatingin naman ako sa aking anak na ngayon ay natutulog pa rin. Hihintayin ko muna itong magising bago ako umalis dito sa bahay ni Kent. Iiyak kasi ito kapag nalaman na umalis ako. Kawawa naman ang aking mahal n
