Salubong ang kilay ko habang nakatingin sa babaeng nabangga ko. Para itong sasabunging manok at ano mang oras ay sasalpukin ako. Nang tingnan ko ang itsura nito ay mukang may sinabi naman sa buhay. Agad ko namang ikiniling ang aking leeg upang asarin ito.
“Nabukulan ka ba, Miss? Hindi naman ‘di ba? Dapat nga ikaw ang tumitingin sa dinaraanan mo! Saka ang walak -walak ng daan, tapos babanggain mo pa ako!” Mariing sabi ko sa babae, habang nanlalaki ang mga mata ko.
Kitang-kita ko naman ang muling pag-aalburo ng babae. Para itong dragon ngayon. Ngunit hindi ako natatakot dito. Saka wala akong panahon na makipag argrumento rito.
Agad ko na lang itong nilampasan. Ngunit naramdaman kong may humawak sa aking braso nang mahigpit. Hindi ako lumingon sa babae. Ngunit kinagat ko ang ibabang labi
