Spade Griffin
Dalawang buwan na ang nakalipas at hanggang ngayon ay hindi pa rin nagigising ang kapatid ko. Tatlong beses na ring naging flat ang linya sa monitor kung saan mo makikita ang buhay na tumatakbo sa katawan ni Blake. Isang milagro na nga kung sasabihin ang mga nangyayari dahil ilang beses na siyang nirevive ng mga doctor nguni’t patuloy pa rin siyang lumalaban. Masaya ako dahil nakikita ko na gustong-gusto niyang mabuhay. naniniwala kami na magigising siya. Magigising pa ang kapatid ko.
Samantalang si Tiffany ay piniling umuwi sa states para magpagamot at doon palakihin ang batang dinadala niya. Tinanong ko siya kung may balak ba siyang hanapin ang ama ng anak niya pero nagulat ako sa sagot niya. Sinabi niya sa’kin na ang ama ng anak niya ang humahanap sa kanila at kahit kail
