David’s pov
MASAMA ang tingin sa kanya ni Fhaye nang umuwi siya ng mansiyon. Dumaan pa siya sa burol ni Carl at Ben pagkatapos niyang magbigay ng statement sa mga pulis. Sinabi niya rin ang tungkol sa ugnayan ng mga kaibigan kay Marvin upang maghiwalay sila ni Georgia. Labis ang paghihigpis ng mga magulang ng kanyang kaibigan. Tulad niya ay gusto na rin ng mga ito na magbayad si Marvin. Brutal na pagkamatay ang sinapit ng mga ito.
Dalawang araw siyang hindi nakauwi dahil sa pagbabantay niya kay Georgia sa ospital. Bukas ay lalabas na ito ng ospital. Nang iwan niya ito kanina ay magaling na ito. Ayaw niya sanang iwan ito pero kailangan niyang makausap si Fhaye.
“Mabuti naman at naisipan mo pang umuwi?” tanong sa kanya ni Fhaye. Napansin niya ang tiyan nito. Medyo halata n
