Johnny Dela Vega’s POV
Napatingin ako kay Erica nang umupo siya sa tabi ko. Karga niya ang bunsong anak namin na si Jio. Matanda lang siya ng tatlong buwan kay Lester, ang anak ko kay Angge. Tipid akong ngumiti kay Erica… siya naman ay nag-iwas ng tingin.
Alam ko, hanggang ngayon ay galit pa rin siya sa akin. Hanggang ngayon… nakaukit pa rin sa isip niya ang mga pagkakamali ko. Wala na siyang tiwala sa akin kaya namam umayaw na siya sa kasal namin. Nagkikita na lang kami ngayon para sa mga bata. Maliban doon, wala na. Ni hindi nga niya ako magawang kausapin ng matagal.
Siguro… dapat lang na kaparusahan sa ’kin ito. Marami akong kagaguhang ginawa sa kanya… kaya sinukuan na niya ako. Kahit na anong suyo ko sa kanya, mukhang wala na siyang balak pang bumalik sa akin. At ngayon… naiintindih
