PAGKAGISING ng kanyang Lola Amparo ay pinakain na ito ni Mandie ng almusal. Itlog, tinapay, sopas at mainit na gatas. Kinakausap niya ito ngunit tila wala naman itong naririnig. Hindi ito sumasagot sa mga tanong niya dito.
Habang abala siya sa pagpapakain dito ay nilapitan siya ni Ken upang kausapin.
“Baby, aalis na si Dawn. Nasaktan yata siya sa sinabi mo kanina.”
“What? Talagang sineryoso niya ang sinabi ko?” Nasapo niya bigla ang kanyang ulo. “Nasaan siya?”
“Nasa room ng mga babae. Nag-eempake na siya. Akyatin mo na at baka mapigilan mo pa…”
“Okay. Ikaw muna ang magpakain kay Lola Amparo, please.”
“Sige.”
Nang pumayag si Ken ay inabot na niya dito ang mangkok ng sopas at umakyat sa itaas.
Oo, aaminin niya na nabigla lang siya nang sabihin niya na lumayas na ang mga ito. Pero, hi
