HALOS hindi makagalaw si Mandie sa kinatatayuan niya. Naroon siya sa likuran ng main door at dinig na dinig niya ang pag-uusap ng Lola Amparo niya at ng dalawang babae. Kulang na lamang ay sumabog ang ulo niya sa mga rebelasyong nalaman niya. Kanina ay gumising siya para i-check ang kanyang lola sa silid nito kung tulog na. Hindi niya ito nakita doon at nang mapansin niyang bukas ang main door ay naisip niya na baka lumabas ito. Habang papalapit siya doon ay narinig niya ang kanyang Lola na may kausap. Lalabas sana siya pero mas minabuti niya na magtago at pakinggan ang usapan na iyon.
"Nais lang naming malaman kung matutuloy ba ang pagsasalin mo ng pagiging aswang sa apo mo!"
"Kung tutuusin ay ayokong gawin ito sa apo ko. Ang gusto ko ay mabuhay siya ng normal! Kung maaari nga lang ay i
