Dahan-dahan na hinimlay ni Kieran ang katawan ni Kali sa ilalim ng puno malapit sa kanila. Matapos na pagluksaan ito ng ilan pang minuto ay tumayo siya na madilim ang mukha at ang mga mata ay nanlilisik sa mga halimaw na nanggugulo sa lugar. Ilang sandali pa ay para siyang mabangis na hayop na sumugod at inisa-isang paslangin ang mga ito.
Walang magawa si Lesley kung hindi panuorin ang binata na makipaglaban mula sa isang sulok. Walang awa at brutal ang bawat pag-atake nito na puno ng galit at poot.
Habang nakaupo at minamasdan ito, may kakaibang kirot sa dibdib ang naramdaman niya. Bangs felt distant and strange. Parang ibang tao itong nasa harap niya. Ni isang beses ay hindi ito tumingin o sumulyap man lang sa kaniya.
"A-ano'ng nangyari?!"
Nabaling ang atensyon niya kay Iston na nagk
