Isang malakas na halakhak ang pinakawalan ni Sir Thanatos nang maubo ako sa sinabi nito.
Hindi ko kinaya ang hagupit ni Pierce. Iba agad ang sumagi sa isip ko, bwesit.
Sign na talaga 'to na nilason ni Sheena ang takbo ng utak ko. "W-Wala naman po atang dapat paghandaan." Nagkanda-utal-utal pa nga.
"Minsan nakakabusog ang hagupit na 'yan, Aza. Ingat ka. Lalo na kapag makamandag ang tuklaw." Mas lalong lumakas ang tawa ni Sir Thanatos sa tinuran ni Sheena.
Kung makapagsalita sila parang hindi namin si Arch, eh. Halata namang si Pierce ang tinutukoy nila. Ewan ko sa dalawang 'to. Pareho ang liko ng dila.
Sinubukan ko siyang abutin para kurutin kaso nakalayo agad. "Tumigil ka nga, Sheena. Kung anu-ano pinagsasabi mo."
Taas-kilay niya akong binalingan ng tingin. "Hindi ba totoo? Buti nga
