Chapter 44
"Hindi ko nagustuhan ang ginawa mo kay Director Chan, Roch," paunang salita ni Don Rodolfo nang dumating sina Roch at Vivoree sa kwarto nito sa hospital. Hindi naman agad nakasagot si Roch sa sinabi ng kanyang Grandpa. Maging si Hunter ay nandoon.
Napatingin naman si Don Rodolfo sa magkahawak kamay nina Vivoree at Roch. Agad naman iyong napansin Vivoree kaya naman tinanggal niya iyon dahil nahihiya at natatakot ito sa aura ni Don Rodolfo.
"Magandang hapon po Don Rodolfo," bati ni Vivoree at bahagya pa itong yumuko sa Don ngunit hindi na pinagtuonan ng pansin iyon ni Don Rodolfo dahil nais niyang makausap ng sarilinan si Roch.
"I want to talk to Roch privately," maawtoridad na sabi ni Don Rodolfo kaya naman ikinatango iyon ni Hunter saka niya tinignan si Vivoree. Tinanguan na
