"Roch," tawag ni Don Rodolfo kay Roch. Nakita niya itong masayang nakikipagkwentuhan sa ina ni Hunter habang nagdidilig ito ng mga halaman.
"Bakit po?" tanong ni Roch pagkatapos niyang maibaba ang lagyanan ng pandilig sa mga halaman. Napatigil din si Helen sa kanyang ginagawa dahil sa pagdating ni Don Rodolfo.
"Maiwanan ko muna kayo papa," sabi ni Helen saka ito umalis para makapag-usap silang dalawa ni Roch. Tumango naman sa kanya si Don Rodolfo.
"Sabi ni Hunter hindi ka daw papasok sa school? Mataas pa ba ang lagnat mo?" seryosong tanong nito kay Roch kaya napailing siya.
"Kung bakit hindi ka papasok? Baka sabihin ng iyong ina na pinapabayaan ko ang anak niyang magtrabaho."
"H-hindi naman po sa gano'n Don Rodolfo," nakayukong sabi ni Roch. "Nais ko lang po na makapag-ipon ng pera pa
