Hindi nagpapigil si Amiera kay Kaiden at sa huli ay nanalo pa rin ito. Sumama ito sa binata patungo sa Manila. Sa tulong ng mag-asawang sina Nanay Lucita at Tatay Fernando, ay nagkaroon sila ng sapat na kapahingahan upang magpatuloy muli sa kanilang misyon. Misyon na hanapin si Rexter at alamin kung ano ang mga itinatago ni Axel sa kanila.
Pinahiram din sila ni Tatay Fernando ng sasakyan na magagamit nila. Pagkagaling kasi nila kay Axel ay babalikan naman nila si Roman na hanggang ngayon ay wala pa ring malay at nasa pangangalaga ng matandang mag-asawa.
Sa biyahe ay kapwa tahimik lamang sina Kaiden at Amiera. Panaka-nakang sumusulyap ang dalaga sa binata ngunit nababasa nito sa mga mata at sa mukha ng binata ang tila malalim na pag-iisip. Kaya naman pinipili na lang din ng dalaga ang man
