“A-Ano?” gulat na tanong ni Kaiden sa lalaking tumawag sa kanya ng ‘Kamahalan’ habang manghang-mangha itong nakatitig sa kanya.
Maya-maya pa ay nakita nila ang mga armadong kalalakihan na siyang mga humahabol sa kanila kanina. Lumapit ang mga ito sa matandang babae na kanilang tinanungan noong una.
“May nakita ba kayong kahina-hinalang mga tao na siyang umaali-aligid sa palasyo?” narinig nilang malakas na tanong ng isang lalaki sa matandang babae.
Sandaling natigilan ang matandang babae at pagkuwan ay napaisip. “Ah! Iyon bang nagtatanong kung anong lugar ito? Sila lang ang napansin kong kahina-hinala sapagkat hindi nila alam kung nasaang lugar sila,” tugon ng matandang babae sa nagtanong sa kanyang lalaki.
At maya-maya pa ay kaagad na hinila ni Amiera si Kaiden sa kamay nito upang magt
