Chapter 27: Lunos
Kasalukuyan akong namamasyal sa paligid ng kastilyo. Nagpunta ako sa bandang likuran upang tingnan ko kung ano ang mga nandon. Napangiti ako ng isang malamig na hangin ang humaplos sa aking pisngi. Kasabay non ay ang mabangong halimuyak ng mga bulaklak. Sobrang bango. Hindi ko alam na ganito pala sila kabango. Noong tao pa ako hindi ganito ang aking pang-amoy. May boutique ako ngunit minsan ko lang naa-appreciate ang bango ng bulaklak. Ngunit kung ganda lang ang pag-uusapan. Sobrang nagagandahan ako.
Wala na akong sinayang pa na oras. Gamit ang aking kakayahang mabilis na tumakbo ay tinungo ko ang gitna ng harden. Mas lalo pang lumawak ang aking ngiti. Sobrang ganda ng mga bulaklak lalo sa malapitan. Nakakatuwa lang dahil walang mga bubuyog. Lahat ng bulalak ay wala
