ALICE
Hindi mapakali. Maya-maya ako kung bumalikwas sa kama. Para akong baliw sa pabago-bago kong posisyon at sa minu-minuto kong pagtakip ng aking tenga dahil may bagay akong ayaw marinig sa loob ng aking isipan.
"Nasaan kaya si Mike?"
"Ano na kaya ang ginagawa niya?"
"Sino ba ang babaeng tinutukoy ni Alissa?"
"Bakit hindi pa siya nag-chachat sa akin?"
Ito ang mga bagay na ayaw kong marinig sa aking isipan. Mga bagay na alam ko ay natural pero nakakabaliw kung aking hahayaan. Ayaw kong mag-alala, gusto kong maging cool lang pagdating sa bagay na ito. Pero paano? Paano ko ito gagawin kung alam kong magkasama na naman sila ni Ana ngayon?
Alas onse kagabi noong nagpaalam sa akin si Mike na baka hindi kami makapag-chat ng maayos. Sabado ngayon kaya walang pasok, ibig sabihin din
