BINUKSAN ni Sanura ang pintuan at tumambad sa amin sina Virginia, Minerva, Karmila at Natalia na parang may pinapalibutan at tinitignan doon sa may higaan ko.
“Anong ginagawa n’yo?” malakas na tanong ni Sanura sa apat kaya kami ay binalingan nila ng atensiyon.
“Binibini! Nandito na pala kayo, tamang-tama dahil kailangan mo po itong makita! Lumapit ka po rito, dali!” hiyaw ni Minerva at kitang-kita mo pa ang pagkasabik sa kan’yang mga mata.
“Ha? Ano bang meron d’yan?” aniya ko.
“Paano nga po pala kayong nagkasamang dalawa, binibini? Akala ko ba ay lumuwas ka, Sanura?” tanong ni Virginia kaya nagkatitigan kami ni Sanura.
“Lumuwas nga, hindi naman ako nagtagal kaya nadaanan ko si Binibining Ina na nasa—“ hindi ko na hinay
