Dahil sa nangyaring bangayan kanina nina Cherish at Lucho ay inabot kami ng tatlong oras biyahe at magdidilim na ng makarating kami sa lugar kung saan itatayo ang bagong branch ng Quadruplets Best.
"Sir, matutuloy pa po ba ang meeting natin?" tanong ni architect kay Lucho habang kinukuha namin ang aming mga dala.
"It would be better kung bukas na lang siguro dahil gabi na at for sure pagod na rin tayong lahat sa biyahe," litanya niya ngunit hindi niya namalayang pati ang bag ko ay dala-dala na niya.
"Let's talk some info over dinner na lang," dagdag pa niya.
"Sige po, Sir," tugon naman agad ni architect.
"Maybe after thirty minutes," turan niya.
Papasok na kami ng hotel pero dala-dala pa rin nito ang bag ko hindi ko naman makuha dahil ang bilis niyang maglakad at isa pa ay patuloy p
