Tatlong araw na rin ang lumipas mula nung nagtatrabaho kami sa QBC, at sa loob ng tatlong araw na iyon ay walang naging problema lahat alerto sa paggawa at magaan lang ang lahat. Okay din kami ni Lucho paminsan-minsan nag-uusap ngunit mas focus kami sa trabaho.
Pero parang may kakaiba yata sa araw na ito kakapasok ko pa lang kasi ng site. Ngunit ang mga kasamahan ko ay nagkukumpulan na sa isang tabi at dahil na intriga ako ay nilapitan ko agad ang mga ito.
"Hoy, mga Marites! Ano bang pinag-uusapan niyo?" usisa ko sa kanila.
"Nakikita mo ba iyang babaeng nakabestida? Siya siguro ang asawa ni Sir Lucho alagang-alaga kasi siya ni Sir, e," pagbulong-bulong pang wika sa akin ng kasama ko habang tinuturo ang babaeng kausap ngayon ni Lucho. Nakatalikod sila mula sa kinaroroonan namin kaya hind
