"Sinasabi ko na nga ba may kinalaman si Dadsy sa nangyari sa Mommy ko!" galit na sabi ni Haussen. "Ginawa nila ang lahat para magsama lang sila ng kabit niya. Ipinagkait nila sa akin ang aking Ina, mga sinungaling talaga sila!" sigaw pa nito.
Nandito kami ngayon sa rooftop. Nakailang bote ng beer na si Haussen. Medyo lasing na rin siya. Nang dahil sa sinabi ng Mommy niya ay nagpakalasing si Haussen.
"Bakit nagawa nila iyon sa Mommy ko Phoebe? Bakit?!" ani nito.
"Hindi ko rin alam tsaka pwedi ba kumalma ka! Natatakot na ako sa iyo, ilang baso na rin ang nabasag mo diyan. Baka mamaya sa akin mo matapon ang baso," sabi ko.
Tumahimik nalang siya. Lumapit ako sa kanya at hinaplos ang kanyang likuran.
"Ngayon na alam mo na ang totoo dapat huwag ka munang magpadala sa galit mo hangga't ganoo
