HINDI alam ni Gianna kung anong gumising sa kanya ng mga oras na yun. Marahil ay dahil pakiramdam niya ay may nagmamasid sa kanya. Kinapa niya ang bukasan ng ilaw sa lampshade sa ibabaw ng night bed at binuhay iyon. Ganun na lang ang gulat niya ng makita si Hunter na nakaupo sa gilid ng kama niya. Kinusot-kusot pa niya ang mata niya para siguraduhin hindi siya namamalikmata. But it was really him.
"Anong ginagawa mo dito? Ang akala ko ba ay sa sabado pa ang balik mo."
Bumangon siya at napatingin sa wall clock. Pasado alas dos y bente na ng madaling araw. Ibinalik niya ulit ang tingin kay Hunter na matiim na nakatingin sa kanya. Napahigpit ang hawak niya sa kumot nang inilapit nito ang mukha sa kanya. He reeked of alcohol.
"What happened?" tanong niya. She knew he wouldn't get drunk for
