Palagi
"Hoy Ellie Madeline, aalis ka na naman? Isang linggo kang nawala dahil sa trabaho tapos kakauwi mo lang kagabi ay maglalakwatsa ka na naman ang aga-aga! Dun ka na lang kaya tumira sa pinupuntahan mo tutal mas madalas ka pa ron kesa rito sa bahay? Ginagawa mong dormitoryo tong bahay na tinutulugan mo lang talaga eh no? Hala, sige kunin mo na ang mga damit mo at pumunta ka sa kung saang lupalop mo gustong pumunta!"
"Good morning din, Uncle," nanunuyang bati ko pagkababa sa hagdan.
Dumiretso ako sa kusina kung nasaan si Lola na mukhang narinig din ang pa-almusal na sermon sakin ni Uncle.
Nakita kong binalingan ni Lola ang nakasunod na si Uncle sa akin. "Magtigil ka Alfredo ha! Yang bunganga mo ang aga-aga!"
"Eh kasi naman, Nay halos hindi na pumipirmi dito sa bahay yang apo niyo!"
